MCL HarnsWw Cc eAa QqdC0
| MCL Harns | ||
| ||
| MCL Harns. De wite dûbele doar ûnder de luif, yn 'e midden fan 'e foto, is de haadyngong. | ||
| algemiene ynformaasje | ||
| hist. namme | Streeksikehûs Oranjeoard | |
| nasjonaliteit |  Nederlânsk
| |
| type org. | sikehûs | |
| wurkmêd | sûnenssoarch | |
| fêstige yn | Harns (Fryslân) | |
| oprjochte | 1960 (as Oranjeoard) 1995 (as MCL Harns) | |
| opgien yn | MCL | |
| offisjele webside | ||
| www.mcl.nl/.../mcl-harlingen | ||
MCL Harns of Medysk Sintrum Ljouwert, lokaasje Harns, is in sikehûs yn 'e Fryske stêd Harns, dat ûnderdiel útmakket fan it gruttere ferbân fan MCL, yn Ljouwert.[1] Oarspronklik wie it in selsstannich sikehûs fan protestantsk-kristlike synjatuer mei as namme Streeksikehûs Oranjeoard.[2] Tsjintwurdich kin men der inkeld noch telâne foar (dei)behannelings yn 'e polyklinyk.[1]
Ynhâld
- 1 Skiednis
- 2 Hjoeddeistige sitewaasje
- 3 Keppelings om utens
- 4 Boarnen, noaten en referinsjes
Skiednis[bewurkje seksje | boarne bewurkje]
It protestantske Sikehûs Oranjeoard waard yn 1960 iepene oan 'e Harnzer Keninginne Wilhelminastrjitte.[2] It wie doedestiden it twadde sikehûs fan Harns, njonken it al yn 1872 oprjochte roomske Sint-Joazefsikehûs.[2] Dat gie lykwols yn 1970 ticht.[2] Yn 1974 ferfear Oranjeoard nei in nij gebou oan 'e Achlumerdyk 2.[1][2] Tagelyk waard de namme doe oanpast ta Streeksikehûs Oranjeoard.[2] Yn it âlde gebou oan 'e Keninginne Wilhelminastrjitte kaam yn 1975 de Plysjeskoalle 'De Harne' te sitten, dy't der bleau oant de sloop fan it gebou yn 1988.[2]
Yn 1995 fúzjearre Oranjeoard mei it Medysk Sintrum Ljouwert (MCL), en as gefolch dêrfan waard it doe omneamd ta MCL Harns.[3] Dêrnei feroare it karakter fan it sikehûs yngeand. Yn 2007 waard besletten dat der yn Harns gjin operaasjes mear útfierd wurde soene; dêrfoar moast men tenei nei Ljouwert.[4] De reden dêrfoar wie dat der ferlet wie fan in ynvestearring fan €3 miljoen om 'e operaasjekeamers fan MCL Harns te modernisearjen. Foar de 2200 operaasjes dy't dêr jiers plakfûnen, waard dat troch de direksje fan MCL ekonomysk sjoen "absolút ûnferantwurde" fûn.[4] Sadwaande bleau der yn Harns inkeld in polyklinyk oer.[4] Neitiid waard it gebou foar optimaal gebrûk troch dy polyklinyk tusken 2010 en 2012 wol yngeand renovearre.[3]
Hjoeddeistige sitewaasje[bewurkje seksje | boarne bewurkje]
Tsjintwurdich foarmet MCL Harns it saneamde Soarchplein Harns mei û.m. Soarchsintrum De Batting, dat yn itselde gebouwekompleks fêstige is.[3] Yn 'e polyklinyk kinne pasjinten (nei in trochferwizing troch harren hûsdokter foar de earste ôfspraak) telâne foar behannelings op it mêd fan 'e folgjende spesjalismen:[1]
|
|
Keppelings om utens[bewurkje seksje | boarne bewurkje]
- (ned) Offisjele webside fan MCL Harns
| Boarnen, noaten en/as referinsjes: |
|