ScolopsUuCl Bb d7Wwip u Bhe_106h I% 2Qql ili NsvgpngVv
I scolops a son une congregazion clericâl catoliche che e à come fin la educazion. Lis lôr scuelis a son pandudis par dut il mont.
L'ordin al fo fondât intal 1597 da Sant José de Calasanz. Intal 1622 al fo ricognossût de Glesie cul non di Ordin dai Clerics Regolârs Puars de Mari di Diu Devotis. De Calasanz al scomençà une ativitât educative di ispirazion cristiane ma no confessionâl. Vierte ancje ai ebreus cence domandai la conversion. Par lâ inte sô scuele no si veve di paiâ.
Ai trê vôts tradizionâi di castitât, puaretât e sotanance al vignî zontât un cuart ven a stâi une premurose cure inte educazion dai fruts puars. Cheste opare e veve di jessi fate di predis. Al dì di vuê l'ordin al à il plui antîc coleç di scuelis popolârs, il Nazareno di Rome, fondât propit di de Calasanz.
Intal 1597, de Calasanz, che al jere membri de Confraternite dai dodis Apuestui, al visità il borc di Trastevere a Rome, e viodint cemût che i frutins a fossin bandonâts e cetant che a jerin ignorants, al vierzè une scuelute inte parochie di Sante Dorotea. Di che scuele a scomençarin lis scuelis devotis. Tancj dai zovins che a forin cun lui a cjaparin i vôts e a tacarin a vivi in comunitât. L'ordin al deventâ une congregazion de Glesie intal 1617 e un ordin veri e propit intal 1622.
"La opare di de Calasanz e cjapâ planc planc simpri plui lustri e e vignì aprovade de Glesie tant che une mission educative mertevule indreçade ai fruts e ai zovins, condividude in une vite religjose in comunitât e fate di personis consacradis a Diu, miôr se predis".
L'ordin al fo dissiolzût su istigazion dai jesuits, che a viodevin i scolops masse sempliçs intal mût di vistî, ma daspò pôcs agns al fo tornât a jessi autorizât di pape Pius IX.
Fin a la ore de sô muart, de Calasanz al lavorâ par ingrandî la congregazion che e veve di vê trê carateristichis:
- meti al prin puest la educazion
- scomençant dai frutins;
- sburtant par la educazion dai puars;
- insegnant la pietât cristiane.
