Hypphwl

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Kabbinèt-Balkenende II waor e kabbinèt vaan Nederland vaan 27 mei 2003 tot 7 juli 2006. 't kabbinèt waor gebaseerd op 'n coalitie vaan CDA, VVD en D'66, die same 78 (44+28+6) zetele had. 't kabbinèt traod aon op 27 mei 2003, es gevolg vaan de door de val vaan 't kabbinèt-Balkenende I vervreugde verkezinge op 22 januari datzelfde jaor. De formatie doorde 125 daog en is daomèt ein vaan de langste oet de historie. Piet Hein Donner speulde in de ganse formatie 'n veurnaom rol. Me heet iers geperbeerd CDA en PvdA aonein te kóppele, wat mislökde.

Anders es 't Kabbinèt-Balkenende I waor de coalitie reejlik stabiel. 't Conservatief-liberaol beleid vaan 't kabbinèt oondervoont evels väöl kritiek vaan linkse kant. In 2005 dreigde 'n crisis wie de Ierste Kamer 't wètsveurstèl tot inveuring vaan 'ne gekoze börgemeister aofwees en D'66 dao-op dreigde oet 't kabinèt te stappe. Ouch leide 't strik vreemdelingebeleid vaan minister Rita Verdonk tot väöl kritiek vaan linkse kant. Oetindelek veel 't kabbinèt op 29 juni 2006 wie D'66 zie vertrouwe drin opzag. Aonleiing waor de zaak euver 't Nederlandersjap vaan Ayaan Hirsi Ali, 'n sleipende kwestie tösse minister Verdonk en dit VVD-lid. De leegte die de val vaan dit kabbinèt achterleet woort provisorisch opgevöld door 't (missionair!) noedkabbinèt Balkenende III, wat steunde op 'n minderheid vaan CDA en VVD allein.

Bezètting[bewirk | brón bewèrke]

't kabbinèt had 16 ministers, 8 veur 't CDA, 6 veur de VVD en 2 veur D'66, en 10 staotssecretaire.

Ministers[bewirk | brón bewèrke]

• Jan Peter Balkenende (CDA), Algemein Zake (premier)
• Jaap de Hoop Scheffer (CDA), Boetelandse Zake, op 3 december 2003 aofgetreje veur Ben Bot
• Agnes van Ardenne (CDA), Oontwikkelingssamewèrking
• Piet Hein Donner (CDA), Zjusties
• Rita Verdonk (VVD), Vreemdelingezake en Integratie
• Johan Remkes (VVD), Binnelandse Zake
• Thom de Graaf (D'66), Besteurleke Vernuiing en Keuninkrieksrelaties, op 25 miert 2005 aofgetreje; opgevolg per 31 miert 2005 door Alexander Pechtold
• Maria van der Hoeven (CDA), Oonderwies, Cultuur en Weitesjap
• Gerrit Zalm (VVD), Financië (vice-premier)
• Henk Kamp (VVD), Defensie
• Sybilla Dekker (VVD), Volkshoesvesting, Ruumdeleke Ordening en Miljeubehier
• Karla Peijs (CDA), Verkier en Waterstaot
• Laurens Jan Brinkhorst (D'66), Economische Zake (vice-premier)
• Cees Veerman (CDA), Landbouw, Natuurbehier en Vèsserij; sinds 1 juli 2003 Landbouw, Natuur en Voodselkwaliteit
• Aart Jan de Geus (CDA), Sociaol Zake en Wèrkgelegeheid
• Hans Hoogervorst (VVD), Volksgezoondheid, Welzien en Sport

Staotssecretaire[bewirk | brón bewèrke]

• Atzo Nicolaï, (VVD), Europees Zake
• Annete Nijs (VVD), Onderwies, aofgetreje (9 juni 2004) en opgevolg door Mark Rutte (17 juni 2004)
• Medy van der Laan (D'66), Cultuur en ICT
• Joop Wijn (CDA), Financië
• Cees van de Knaap (CDA), Defensie
• Pieter van Geel (CDA), Volkshoesvesting, Ruumdeleke Ordening en Miljeubehier
• Melanie Schultz van Hagen, Verkier en Waterstaot
• Karien van Gennip (CDA), Economische Zake
• Mark Rutte (VVD), Sociaol Zake en Werkgelegeheid, op 17 juni 2004 opgevolg door Henk van Hoof
• Clémence Ross van Dorp (CDA), Volksgezoondheid, Welzien en Sport

Beleid[bewirk | brón bewèrke]

't Kabbinèt-Balkenende II kinmèrkde ziech euver 't algemein door 'ne conservatieve stiel vaan regere. 't Motto luide Meedoen, meer werk, minder regels en is dus oonder mie gespits op deregulering. Door mager financieel rizzeltaote voolt me ziech genoedzaak ingriepend te bezuinege en daobij ouch in te griepe in de oetkieringe en versjeie pensioensregelinge. Later in de kabbinètsperiood woort de financieel situatie beter en hoofde d'r minder bezuineg te weure. Dit brach e paar groete demonstraties teweeg. Ouch 't feit tot de regering d'n oorlog tegen Irak steunde heet ze väöl kritiek opgeleverd. Aanderzijds wieze väöl lui drop tot dit kabbinèt 'n relatief politieke stabiliteit gebrach heet, nao 't oonrösteg jaor vaan 't kabbinèt-Balkenende I.